🌿 الوصفة السرية لزيادة الأوزان في الدواجن — بالأعشاب الطبيعية!
كتير من المربيين بيصرف على منشطات وفيتامينات.. 🤔
وفي ناس بتحقق نفس النتيجة بأعشاب طبيعية موجودة في أي بيت! 🏡
دي الوصفة — بالتفصيل 👇
🌾 المكونات لكل كيلو علف:
🔸 حلبة — 5 جرام
🔸 طماطم — نصف حبة متوسطة
🔸 بصل — نصف حبة متوسطة
🔸 ثوم — من 3 لـ 6 حبات حسب الحجم
🔸 كزبرة — 3 جرام
🔸 كمون — 3 جرام
🔸 كركم — 3 جرام
🔸 زنجبيل — 3 جرام
🔸 قرفة — 3 جرام
💡 ملاحظات مهمة للتطبيق الصح:
✅ الكمون والكركم والكزبرة والزنجبيل والقرفة لازم تتطحن كويس قبل الإضافة
✅ الأعشاب بتتضاف للعليقة وتتقلب جيداً
✅ تتقدم للدواجن عند الاستيقاظ بعد بدء برنامج الإظلام
✅ النسبة نصف كيلو أعشاب لكل 50 طائر
✅ تستعمل من اليوم السادس وتتكرر مرة في الأسبوع أو كل 3 لـ 4 أيام في حالة تأخر النمو
🔥 ليه الأعشاب دي بتشتغل؟
🌿 الحلبة — بتحفز الشهية وبتزود معدل التحويل الغذائي
🧅 البصل والثوم — مضادات طبيعية للميكروبات وبيقووا المناعة
🍅 الطماطم — مضاد أكسدة طبيعي بيحسن صحة الطير
🌱 الكركم والزنجبيل — بيحفزوا الهضم ومضادات التهاب طبيعية
🌿 الكزبرة والكمون — بيحسنوا امتصاص العناصر الغذائية
🍂 القرفة — منظم طبيعي للهضم ومحسن للنمو
عزيزى مربي التسمين
علشان تقدر تصمد ف التربية و تقاوم التكاليف العالية يبقي لازم تقلل التكاليف وتستفيد من كل جنية بتدفعه… ازاي ؟
هي ممكن تكون نقاط صغيرة ولكن لما بتتجمع مع بعضها بتوفر كتير معاك في التكلفة وفي العائد
١- الكتكوت لو مش حلو وعاجبك عند الاستقبال ماتاخدوش ولو ببلاش ولازم يكون الكتكوت من مصدر محترم ومتجانس وخالي من الأمراض المنقولة من آلام… لان ده هيوفر معاك تكلفة علاج ونافق وتحويل
٢- العلف يكون من مصدر محترم بيستخدم اجود خامات واضافات الاعلاف من مضادات كوكسيديا وكلوستريديا وسموم فطرية وماتقبلش علف ردئ لمجرد ان نظام السداد مريح فأنت كدة بتضر نفسك
٣- بلاش إسراف وعشوائية في استخدام الدواء واستخدم الادوية فقط بقدر احتياج الفراخ وتحت إشراف طبيبك لان عشوائية استخدام الادوية هتزود معاك التكلفة
٤- اختار انواع أدوية جيدة من إنتاج مصانع لها سمعة واسم في السوق والجودة مش دائما بالسعر لأن فيه أدوية كتيرة غالية ومش على قدر الكفاءة المطلوبة وفي المقابل ممكن تكون فيه أدوية رخيصة وفاعليتها ممتازة
٥-قلل هدر العلف سواء من العلافات او الفئران او الطيور البرية او بسبب التخزين السئ
٦-حاول تعمل عزل حراري للمزرعة حتى ولو بالطرق التقليدية البسيطة الغير مكلفة علشان تقلل تكلفة التدفئة في الشتاء والتبريد في الصيف وأصبح ده ضروري جدا خصوصا مع ارتفاع أسعار الوقود
٧- لو مزرعتك نظام مفتوح (opened system ) يبقى الأفضل بلاش تشغلها في الصيف لأنها هتعمل معاك نافق وهتكلف دواء وهتفرغ الفراخ منك لو جات موجة حر في العمر الكبير
٨- حصن صح بالتحصينات المناسبة لمنطقتك ومزرعتك وبلاش تسرف في التحصينات لأنها من ناحية هتزود معاك التكلفة ومن ناحية تانية كتر التحصينات ممكن تضر اكتر ما تنفع
٩- تابع الأوزان أسبوعيا وقارنها بمتوسط وزن السلالة في الكتالوج علشان تقدر تعالج بدري أى تأخر في الوزن
١٠- بلاش تهمل في علاج الأمراض اللي بتأثر على سحب العلف أو التحويل( زي الكوكسيديا و الكلوستريديا) حتى لو مش عاملة معاك نافق كتير لأنها ممكن تسرق تعبك طول الدور
انواع الاسهلات في الدواجن
“فراخي عندها إسهال… أديها دوا إيه؟”
السؤال ده منتشر جدًا…
بس هو في الأساس سؤال غلط.
الإسهال مش مرض
الإسهال عرض، والعرض ده ممكن يكون ناتج عن أكتر من مرض مختلف تمامًا.
وعشان توصل للعلاج الصح، لازم الأول تفهم لون وشكل الإسهال وأيه باقي الأعراض
طيب تعالى نعرف الأول كل لون بيكون جاي منين
الأخضر → المرارة (صبغة biliverdin)
الأبيض → كلى (يورك أسيد)
البني / الأحمر → أمعاء (براز أو إفراز أعوري)
خلي بالك
فيه حاجة إسمها تفريغ الأعورين
بني عليه رغاوي بيحصل 2–5 مرات يوميًا
وده طبيعي 100%
ومش كلوستريديا 
أولًا: الوضع الطبيعي (الزرق السليم)
اللون: بني فاتح
القوام: متماسك نسبيًا
عليه طبقة بيضا خفيفة (أملاح يوريا)
ده الشكل الطبيعي… أي تغيير هنا له معنى.
الإسهال الأبيض
ممكن يدل على:
التهاب الشعب الهوائية المعدي (IB)
السالمونيلا
الكلوستريديا
السموم الفطرية
النيوكاسل أو الإنفلونزا (لو مائل للخضرة)
زيادة الأملاح
الإفراط في استخدام المضادات الحيوية
الأبيض مش دايمًا حاجة واحدة… لازم تربطه بباقي الأعراض.
الإسهال الأحمر أو البني المحمّر
أشهر أسبابه:
الكوكسيديا (السبب الأول)
الكلوستريديا (لو بني وفيه رغاوي)
الجمبورو الشديد (في الحالات المتقدمة)
تهتكات في جدار الامعاء
ايكولاي
ملحوظة مهمة:
بعد علاج الكوكسيديا، ممكن يفضل اللون الأحمر شوية بسبب تهتكات وجروح الأمعاء.
الإسهال الأخضر
غالبًا مرتبط بـ:
السموم الفطرية (خصوصًا الأفلاتوكسين)
الجوع الشديد أو انقطاع العلف
الإجهاد الحراري
الأمراض الفيروسية (نيوكاسل – إنفلونزا – IB)
التغيير المفاجئ في العلف (اختلال pH الأمعاء)
الإسهال المائي:
زيادة شرب المياه – التهابات معوية – تجويع و نقص العلف – زيادة الأملاح
الإسهال الأسود:
سموم فطرية
بعض أنواع الكوكسيديا
الكلوستريديا
بعض الأمراض الفيروسية شديده شوية
ايكولاي في الأعمار الصغيره
هباب لو شغال بالغاز
تخمرات معوية شديدة
الأسود دايمًا إنذار خطر… مايتسابش.
نصايح مهمة للمربي
لو مش قادر تحدد السبب
خد عينة وودّيها لطبيب بيطري للتشريح والتشخيص بدري
مراقبه حاله الكتكوت
🔴 لما تلاقي الكتاكيت متجمعة جنب الحوائط… قبل ما تفكر تروح للدكتور
و قبل أي تدخل علاجي لازم نراجع بسرعة أهم الأسباب الإدارية الأكثر شيوعًا:
📌 ١- درجة حرارة هواء المزرعة
📌 ٢- درجة حرارة الفرشة
📌 ٣- وجود بلل في الفرشة
📌 ٤- وجود تيارات هوائية
📌 ٥- تباين شدة الإضاءة داخل العنبر
📌 ٦- جودة هواء المزرعة (أمونيا / CO₂)
✔️ لو راجعت النقاط دي و الدنيا اتظبطت → غالبًا المشكلة كانت ادارية وانتهت
⚠️ لو مفيش تحسن واضح: يبقى تاخد عينة وتعرضها على الدكتور المتابع للحالة، لأن ممكن يكون السبب مرضي مش إداري